ودي أموت اليوم

عندما يكون الغدرحدث ن احداث حياتك اليوميه
والحزن كالعباده واجب عليك ......... عندها فقط
( ودك تموت اليوم وتعيش باكر )
ودي اموت اليوم و رجع واعيش باكر من جديد
لجل اشوف من هو على الود صادق
ومن هو بعد موتي بطعنات الغدر يزيد
ومن هو تمنى ان عمري باقي مديد

*********************************************************************************************
ودي أموت اليوم وأعيش باكر
وأشوف من هو بعد مــوتي فقـــدني
ومن هو حملني لين ذيك المقابر
وأشــكر أنـا كل من كـرمني ودفــني
وبشوف يرثيني أنا كم شاعر
ومن هو تركني وما كتب شيء عني
وشخص تعنى لي مع أنه مسافر
وشـخـص قريب وأنــا مـيت طعــني
وشخص يمثل دمعته ماهو قادر
وشخص تطيح دموعه كل ما ذكرني
ومن هو من أهلي فاللعزا كان حاضر
ومن هو دعا لي في صلاته ورحمني
ومن هو بنى باسمي سبيل ومنابر
ومن هو يفز قلبه الا من لمحني
ومن هو عشاني طول الأيام ساهر
ومن هو ثلاث أيام راح وتركني
ومن هو يرتب غرفتي والدفاتر
وان شاف صورة لي صاح وحضني
يالله عسى ما تخفى كل المشاعر
ويالله عسى ما ينصدم يوم ظني
خايف يروح العمر وأكون خاسر
وان طار طيري مايفيد التمني
وخايف يجيني وقت أكسر خواطر
ان دارت الدنيا وزماني كسرني
ومدام هذي الدنيا صارت مظاهر
وكل من على كيفه وجوه يغني
صحيح مسلم لكن الهم كافر
كل ما بغيت أضحك يهددني حزني
الضيق وافي والحزن حيل وافر
والجرح أكثر شي شفته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني ياحزني آمر
مسكين فرحي تصدق انه وحشني
شاعر .... ولكني ماني بشاعر
ودي أموت اليوم وارتاح مني

يسلموو اختيه شيخه

صح الله لسانك

قصيدة جميلة

تقبلي مروري المتواضع

^.^

شكر ع القصيدة الاكثر من الراعية يا شيخة

مروركم يشرفني ويسعدني تسلمو يا اخواني وترقبو المزيد من اختكم شيخة الحلوين